Sælar stúlkur

Og næstum komið ár frá seinustu færslu!!

í 1. lagi vil ég byrja á að þakka ykkur fyrir skemmtilega bíóferð!!! (vissi ekki að það væri ódýrara að panta miðan á netinu og miklu þægilegra, snilld!)

En já í hléinu var Særún að tala um Beerpong og ég er sammála, þrátt fyrir facebook má þetta ekki detta niður!
Þegar ég kom heim beið mín sofandi stúlka í einu herberginu og strákur mjög einbeittur að leika sér að setja saman 2 tölvur í hinu herberginu. Ég ákvað því að skella mér í marrakóska síðkjólinn minn, gyllta sloppin yfir og náði mér í gyllta skál á fæti með sítrónuískúlu (kokteillinn varð því miður að bíða betri tíma).

Í bílnum á leiðinni heim komst ég í svo mikinn fíling, líklega myndinni að þakka og auðvitað því að hitta ykkur allar aftur. Ég leiddi hugan að því að það styttist óðum í New York ferðina okkar! Abu Dabi verður að bíða þar til við verðum fertugar. Þrátt fyrir að við förum líklega ekki í einkaflugvél og verðum í svítu finnst mér að við ættum að láta verða að þessu. Ég ætla allavegana að fara að plana New York ( Miröndu genið að poppa upp, en ég þarf þó ekki að læra framandi tungumál). Held samt að ég láti Rut um að vera guide-inn okkar þar
Eða hvað finnst ykkur er það ekki New York 2013??

kveðja Silvia


p.s. skórnir í þessu opnunaratriði voru geðveikir

Stelpur! seinasta færsla var í febrúar Það er kominn júní, er ekkert að gerast hérna! Við gleymdum fæðingu Viktoríu Katrínar, þriðja erfingja Ragnheiðar - einnig þriðju stelpunnar í barnahópnum! Við gleymdum Eurovision! hvernig gat það gerst! Silvia!! Engin niðurtalning, engar spár - ekkert!

12. júní er amk dagurinn sem Ragnheiður hefur lengi beðið eftir Útskrift - Til hamingju Ragnheiður og líka til hamingju með afmælið 7. júní!

Til hamingju Þóreyjar-Ari með útskrift

Til hamingju ég með afmælið 14. júní   Takk takk...

Særún, reynir enn og aftur að lífga Beerpong við...

Hæ hæ!

Allar velkomnar til mín í kvöld

xoxo,
Þ

Stelpur...

Hvað á mamman að gera þegar barnið er búið að sofa í tvo tíma og heldur bara áfram að sofa? Ég er búin að læra (nenni ekki að læra meira), búin að taka til (gæti alltaf gert betur) er að horfa á sex and the city með öðru auganu, búin að borða ALLT sem er til hérna inni (nema kannski túlípanana, þeir eru reyndar grænmeti oJ!!). Ég er byrjuð að prjóna, samt bara að æfa mig, ætla að prjóna trefil handa Gunnari og svo að læra að prjóna vettlinga og barnahúfur hjá mömmu Ég verð svo dugleg!!

Þvottavélin var að klára, get farið að taka úr henni og hengja út!

Knús og kossar og sjáumst í kvöld

Særún

Sælar stúlkur

Elsa pelsa var í fimm mánaða skoðun í gær, skvísan er 68 cm og 8325 gr. Hún hlakkar ofsalega mikið til á fá litla vinkonu á næstunni og síðan enn aðra í júní! Elsa og Einlæg verða örugglega bestu vinkonur og eins og ég sagði á miðvikudaginn, þá eru þær strax komnar með dansfélaga, ekki amalegt að vera fimm mánaða og ófædd og komnar með dansherra

Ég er að horfa á Dirty dancing II og dansa um alla íbúðina, ofsalega gaman Það er nauðsynlegt að rifja aðeins upp sporin af og til.

LG

Særún

Hæ bjútíkrútti mín c",

Eru dömurnar ekki í stuði fyrir miðvikudagshitting? Þið eruð velkomnar til mín ef það er enginn sem getur hýst okkur Langar rosalega mikið að spila aftur "pirring"

xoxo,
Þ

Þið eruð velkomnar í Hraunbæinn í kvöld. Langar að baka köku en vantar hugmynd?

xoxo,
Þ

..og þá er gleðin við völd! Allar velkomnar í Hraunbæinn á miðvikudaginn Ég er að spá í að henda í eina klassíska döðluköku með heitri karamellu og rjóma...

Hlakka til að sjá sem flestar!

xoxo
Þ

Gleðilegt ár elsku Beerpong dömur

Loksins er aftur komin slétt tala!! og vonandi enn betra ár en 2009!

Enn bætist í Beerpong barnahópinn, við hlökkum til að fá Silvius Rectus í hópinn, sem er einstaklega spéhrædd/ur, greinilegt að það hefur fengið eitthvað frá föður sínum

Við fáum líka hjúkrunarfræðing á árinu, við verðum við öllu viðbúnar!!! Við gætum eflaust stjórnað heiminum, eigum kennara, verkfræðinga, þýskufræðinga og svo lengi mætti telja, svo ég tali nú ekki um stórhættulegan líffræðing!

Nýtt ár fullt af ævintýrum er framundan og vonandi óvæntum atburðum

Lieb Lieb

Særún

Gleðilega hátíð krútturnar mínar!

Ég talaði við Ragnheiði í hádeginu og við ætlum að hittast í kvöld heima hjá mér og spila.
Að sjálfsögðu eru allar velkomnar, mæting einhvertíman um 21:00. Ég á smákökur, sódavatn, ídýfu og eitthvað nammi Ef það er eitthvað sérstakt sem ykkur langar í þá bara kippa því með

Hlakka til að sjá sem flestar

xoxo,
Þ

Hó hó hó!

Ég var að velta því fyrir mér hvort og klukkan hvað fólk ætlaði að skella sér á Laugaveginn í kvöld?
Við Ari eigum pantað borða á Hereford kl.19 og ætlum að fá okkur eitthvað gott í svanginn. Eftir mat var svo planið að rölta smá á Laugaveginum og kíkja upp í Gleraugnasölu

xoxo
Þ

Í dag er víst stysti dagur ársins. Ég hef ekki tekið eftir því hvað það er dimmt úti, það eina sem pirrar mig við þessa lengd á dögum er þegar næturnar verða bjartar, þá á ég oft erfitt með að sofna, en svo venst það bara á nokkrum dögum. Núna vona ég hins vegar að Elsa sofi bara jafn vel þegar það fer að birta En það er nú nokkuð langt í það

Silvia og Þórey eru greinilega enn að kíkja hingað inn, við erum svo duglegar stelpur

Ég verð að segja ykkur frá afreki hennar Elsu, kannski ekki beint afrek, en  þetta var svo fyndið Í gærkvöldi var ég að klæða hana í náttfötin, skipta á henni og leyfa henni aðeins að sprikla án þess að vera með bleiu. Ég tók út úr henni snuðið og lagði það við hliðina á henni, hún var svo mikið að spjalla, það var frekar erfitt að vera bæði að tjá sig og að sjúga snuðið. Ég snéri henni svo á hliðina, var eitthvað að skoða bakið og hálsinn (safnast oft kusk og drasl þar, erfitt að vera með hnakkaspik) og þegar ég lagði hana aftur á bakið leit hún voðalega sakleysilega á mig með snuðið uppi í sér á hvolfi, rosalega ánægð

LG

Særún og Elsa Pelsa